काठमाडौं- सुदूरपश्चिम प्रदेश सरकारले आगामी आर्थिक वर्ष २०८०/८१ को लागि २९ अर्ब २६ करोड ५९ लाख रुपैयाँको बजेट ल्याएको छ।
सुदूरपश्चिमका आर्थिक मामिला मन्त्री नरेशकुमार शाहीले चालु तर्फ ९ अर्ब ५९ करोड रुपैयाँ र पुँजीगत तर्फ १७ अर्ब २ करोड रुपैयाँ बजेट ल्याएका हुन्।
चालु आर्थिक वर्ष सुदूरपश्चिम प्रदेश सरकारले ०७९/८० का लागि ३६ अर्ब ७४ करोड ६४ लाख ६५ हजार रुपैयाँको बजेट ल्याएको थियो।
चालु आर्थिक वर्ष ०७९/८० को बजेटभन्दा आर्थिक वर्ष २०८०/८१ को बजेट ७ अर्ब ४८ करोड ५ लाख ६५ हजार रुपैयाँ कमी हो।
