काठमाडौं- त्रिभुवन अन्तर्राष्ट्रिय विमानस्थल कार्यालयले विद्युतिय सटल बस सेवा सुरू गरेको छ।

विमानस्थल कार्यालयले आजबाट आन्तरिक टर्मिनल भवन र अन्तर्राष्ट्रिय टर्मिनल भवनबीच यात्रुलाई सेवा दिन गरी सटल बस सेवा सुरु  गरेको हो।

विमानस्थल कार्यालयका प्रमुख प्रतावबाबु तिवारीले  त्रिभुवन अन्तर्रास्ट्रिय विमानस्थलमा यात्रु सेवा सुबिधा  स्तरबृद्धि गर्ने क्रममा आजबाट  वातावरणमैत्री  नि:शुल्क इलेक्ट्रिक यात्रु सटल बसको सुरु भएको बताए।

यो सेवाबाट आन्तरिक विमानस्थलबाट  अन्तर्राष्ट्रिय विमानस्थलको आगमन क्षेत्रबीचमा यात्रुलाई आउन जान थप  सहज  हुने उनको भनाइ छ।