काठमाडौं- सन् २०२३ को पाँच महिनामा त्रिभवुन अन्तर्राष्ट्रिय विमानस्थलबाट १८ लाख ४३ हजार ४ सय ९० जनाले अन्तरदेशीय यात्रा गरेका छन्। 

विमानस्थल कार्यालयको तथ्यांकअनुसार जनवरीदेखि मे सम्म कुल १२ हजार ७ सय ६६ उडानबाट १८ लाख बढीले यात्रा गरेका छन्। यो बीचमा नेपाल भित्रिनेभन्दा बाहिरिने यात्रुको संख्या धेरै छ। 

विमानस्थल कार्यालयका अनुसार पाँच महिनामा नेपाल भित्रिनेभन्दा बाहिरिने यात्रुको संख्या १ लाख ५१ हजार ७६ ले बढी छ। पाँच महिनामा ९ लाख ९७ हजार २ सय ८३ जना बाहिरिएका छन् भने ८ लाख ४६ हजार २ सय ७ जना भित्रिएका छन्। 

बाहिरिने यात्रुको संख्या पछिल्लो पाँच महिनामा निरन्तर बढिरहेको छ। विमानस्थल कार्यालयको तथ्यांकअनुसार जनवरीमा १ लाख ८३ हजार १ सय १६ जना बाहिरिएका थिए। त्यस्तै फेब्रअरिमा १ लाख ७३ हजार ७ सय ६२ जना बाहिरिएका थिए। 

मार्चमा २ लाख १२ हजार ८ सय ५६, अप्रिलमा २ लाख १० हजार ३ सय ४ र मे मा २ लाख १७ हजार ३ सय ४९ जना बाहिरिएका थिए। जनवरीमा १ लाख ६२ हजार ६ सय ५ जना भित्रिएका थिए। त्यस्तै फेब्रुअरिमा १ लाख ५९  हजार ८६३ जना भित्रिएका थिए। मार्चमा १ लाख ८५ हजार २ सय ८५, अप्रिलमा १ लाख ७९ हजार १ सय ५ र मे मा १ लाख ५९ हजार ३ सय ४९ जना भित्रिएका थिए।