काठमाडौं- चरा ठोक्किएको आशंकामा बैंग्लोर नपुगी फर्किएको जहाजका यात्रुलाई अर्को जहाजमार्फत लगिने भएको छ। 

शनिबार एयरलाइन्सको उडान नम्बर २२५ को न्यारोबडी जहाजले १ बजेर ४५ मिनेटमा बैंग्लोरका लागि उडान भरेको थियो। उडान भरेकी तीन मिनेटमै जहाज काठमाडौं नै फर्किएको थियो।

सो जहाजका यात्रुलाई अहिले अर्काे जहाजमार्फत् ५:२० मा गन्तव्यमा पुर्‍याइने नेपाल एयरलाइन्सले जनाएको छ। 

जहाजमा चरा ठोक्किएको प्रारम्भिक अनुमान गरिएको छ।

जहाज अहिले त्रिभुवन अन्तर्राष्ट्रिय विमानस्थलमा अवतरण भइसकेको छ।