काठमाडौं- संखुवासभाको तुम्लिङटार विमानस्थलमा मंगलबारबाट एटीआर ७२ जहाजले उडान सुरु गरेको छ। बुद्ध एयरले ७२ सिट क्षमताको जहाजबाट आजदेखि तुम्लिङटारमा उडान सुरु गरेको हो।
यो विमानस्थलमा अहिलेसम्म बुद्ध एयरले एटीआर ४२ मार्फत उडान गरिरहेको थियो। बुद्धले केही समय अगाडि मात्रै तुम्लिङटार विमानस्थलमा एटीआर ७२ बाट सफल परीक्षण उडान गरेको थियो।
७२ सिट क्षमताको जहाजबाट उडान सुरु भएसँगै यात्रुलाई टिकटमा सहजता हुनेछ भने भाडा पनि सस्तो पर्ने बुद्ध एयरले जनाएको छ।
