.jpg)
.jpg)
.gif)
.gif)
काठमाडौं- निरन्तरको गिरावटबीच मंगलबार सामान्य सुधार देखिएको सेयर बजार बुधबार पुन: उही बिन्दु वरपर थामिएको छ।
.gif)
मंगलबार १०.६६ अंकले बढेर १८४४.३६ बिन्दुमा पुगेको बजारमा बुधबार पुन: गिरावट देखिएको हो।
.gif)
.gif)
बुधबार २.४३ अंकले घटेर बजार १८४१.९३ बिन्दुमा झरेको छ। ८८ वटा कम्पनीको सेयर मूल्य बढेको बजारमा ५८ करोड ९१ लाख रूपैयाँको मात्र कारोबार भएको छ। १ सय १३ कम्पनीको सेयर मूल्य घटेको बजारमा १५ कम्पनीको स्थिर रह्यो।
यो साताको पहिलो कारोबारमा आइतबार १९.१२ अंकले घटेको बजार सोमबार १६.९३ अंकले घटेको थियो। मंगलबार भने दोहोरो अंकको सुधार देखिएको बजारमा बुधबार भने कारोबार रकममा समेत भारी गिरावट देखिएको हो।
निरन्तर कमजोर कारोबार देखिएको बजारमा लगानीकर्ता पर्ख र हेरकै स्थितिमा देखिन्छन्।
संगठित लगानीकर्ताले केही दिनको उतारचढावपूर्ण वृद्धिलाई ध्यान दिइरहे पनि बजारको अवस्था भने सुधारोन्मुख देखिँदैन। पुँजी बजार सुधारका लागि सरकारी प्रयास देखिइरहँदा पनि लगानीकर्ता विश्वस्त हुन नसक्दा उतारचढावको अवस्था निरन्तर छ।
