काठमाडौं- नेपाल नागरिक उड्डयन प्राधिकरणले तीन दिनको बीचमा एउटै जहाजमा एउटै समस्या देखिएको भन्दै श्री एयरको नाइन एन एएनई कलसाइन भएको डीएचसी-८-४०२ जहाजको उडानमा प्रतिबन्ध लगाएको छ।
सोमबार बिहान ९ बजेर ४० मिनेट जाँदा काठमाडौंबाट भैरहवाका लागि उडान भरेको जहाजमा प्राविधिक समस्या देखिएको भन्दै भैरहवामा नै फर्काएर सुरक्षित अवतरण गराइएको थियो।
चालक दलका सदस्यसहित ८१ जना यात्रु बोकेको जहाज सुरक्षित अवतरण भए पनि जहाज रनवेमा नै अड्किएको थियो। गेयरमा समस्या देखिएको जहाजको नोज ह्विल लक भएपछि रनवेमा रोकिएको हो।
नोज ल्याण्डिङ गेयरमा समस्या रनवेमा रोकिएको जहाजलाई पछि तानेर पार्किङ वेसम्म पुर्याइएको थियो।
शनिबार पनि धनगढी विमानस्थलमा सो जहाजमा यही समस्या देखिएको प्राधिकरणले जनाएको छ। बारम्बार एउटै जहाजमा एकै प्रकृतिको समस्या देखिएपछि प्राधिकरणले उक्त जहाज उडानमा प्रतिबन्ध लगाएको हो।
