काठमाडौं- संखुवासभामा भएको सिम्रिक एयरको हेलिकप्टर दुर्घटनामा घाइते भएका चारै जनालाई उपचारका लागि काठमाडौं ल्याइएको छ। गम्भीर घाइते भएका क्याप्टेनसहित चार जनालाई थप उपचारका लागि हेलिकप्टरमार्फत काठमाडौं ल्याइएको हो ।
संखुवासभाको भोटेखोला गाउँपालिका-४ को सिप्रुङमा शुक्रबार सिम्रिक एयरको ९ एन एजेके कलसाइनको उक्त जहाज हेलिकप्टर दुर्घटना भएको हो। माथिल्लो अरुणको सामान पुर्याएर फर्किँदा सिम्रिक एयरको हेलिकप्टर शुक्रबार दुर्घटनामा परेको हो।
दुर्घटनामा क्याप्टेन सुरेन्द्र पौडेल, सहयोगी मनोज थापा, छिरिङ भोटे, भविन गुरुङ र विद्युत् प्राधिकरणका कर्मचारी विक्रम गुरुङ घाइते भएका हुन्। उनीहरुलाई नेपाली सेना र नेपाल प्रहरीको टोलीले दुर्घटनास्थलबाट उद्धार गरेको हो।
