.jpg)
.jpg)
.gif)
.gif)
काठमाडौं- निरन्तर उतारचढावमा रहँदै ओरालोतिर लागेको सेयर बजारमा दोहोरो अंकको वृद्धि एकदिनमात्र रहन सक्यो। मंगलबार दोहोरो अंकले बढेको बजार बुधबार पुन: घटेको हो।
.gif)
सुधारको अपेक्षा गरिएको बजार घटिरहँदा सोमबार स्थिर रहँदै मंगलबार वृद्धि देखिएको थियो। बुधबार भने १३.६८ अंकले घटेर बजार १८९२.०० बिन्दुमा झरेको छ। ३८ कम्पनीको सेयर मूल्य बढेको बजारमा ८४ करोड २५ लाख रूपैयाँको कारोबार भएको छ।
.gif)
.gif)
यो साता पहिलो कारोबारमा आइतबार १८.८० अंकले घटेर १८८५.६० बिन्दुमा झरेको थियो। सोमबार २.७१ अंकले बढेर बजार १८८८.३२ बिन्दुमा पुगेको थियो। मंगलबार १७.३६ अंकले बढेर बजार १९०५.६८ बिन्दुमा पुगेको थियो।
अर्थमन्त्री प्रकाशशरण महतले पुँजी बजार सुधारका लागि निरन्तर छलफल र प्रयास गरिरहँदा पनि लगानीकर्ता विश्वस्त हुन नसक्दा उतारचढावको अवस्था निरन्तर छ। बजारमा लगानीकर्ता पर्ख र हेरको स्थितिमा नै देखिएका छन्।
अर्थतन्त्रमा सुधार हुँदै गएका आँकडाहरू आइरहँदा पनि पुँजी बजारमा भने निराशा नै देखिन्छ। संगठित लगानीकर्ताले केही दिनको उतारचढावपूर्ण वृद्धिलाई ध्यान दिइरहे पनि बजारको अवस्था भने सुधारोन्मुख देखिँदैन।
