झापा- शिवसताक्षी नगरपालिकाको ग्रामीण क्षेत्रको मंगलबारे- पाराबारी जोड्ने सडक कालोपत्र गरिएको छ। नगरपालिका, वडा कार्यालय र स्थानीय उपभोक्ताको गरी ९९ लाख ९८ हजारको लागतमा ९ सय ४५ मिटर सडक कालोपत्र गरिएको हो।
सडक कालोपत्र निर्माणका लागि पालिकाद्वारा ६१ लाख ६० हजार, वडा नं २ को कार्यालयले १८ लाख रूपैयाँ र बाँकी स्थानीय उपभोक्ताबाट संकलन गरिएको थियो। शिवसताक्षीकै पुरानो बजार मंगलबारे र पाराबारी जोड्ने सडक आवश्यकताका आधारमै कालोपत्र गरिएको नगरप्रमुख मेगाहाङ थोप्राले जानकारी दिए।
सडक कालोपत्र भएपछि स्थानीय खुसी भएका छन्। सडक बनेसँगै यस क्षेत्रमा उत्पादित कृषिजन्य वस्तु दमक, विर्तामोड लगायतका ठूला सहरमा बजारीकरणमा समेत सहज भएको नगरप्रमुख थोप्राको भनाइ छ। रासस