काठमाडौं- कोरोना महामारीपछि चीनबाट पहिलोपटक ठूलो संख्यामा पर्यटक नेपाल आएका छन्। हिमालय एयरलाइन्सको जहाज चार्टर गरेर एकैपटक १ सय ८० जना चिनियाँ नेपाल भ्रमणमा आएका हुन्।
चीनबाट आएका पर्यटकलाई पर्यटनमन्त्री सुदन किराती, पर्यटन बोर्डका कार्यकारी प्रमुख धनञ्जय रेग्मी र चिनियाँ राजदूत छेन् सङसहितको टोलीले विमानस्थल पुगेर स्वागत गरे। उनीहरूलाई पञ्जेबाजा बजाएर स्वागत गरिएको थियो।
