शुक्रबार, चैत १६ गते २०८०    
images
images

लयमा फकिँदै मनाङको पर्यटन व्यवसाय

images
बिजनेस न्युज
images
लयमा फकिँदै मनाङको पर्यटन व्यवसाय

मनाङमा जनवरीदेखि हालसम्म तीन हजार चारसय २० बाह्य पर्यटक भित्रिएका छन्।

images
images

मनाङ- मनाङमा यस वर्षको पर्यटक आउने दोस्रो याम सुरुवात भएको छ। याम सुरु भएसँगै जिल्लामा आन्तरिक तथा वाह्य पर्यटकको चहलपहल बढ्न थालेको छ। 

images
images
images

विश्वकै दसौँ स्थानमा पर्ने अन्नपूर्ण पदमार्गको यात्राका लागि बाह्य पर्यटकको आगमन हुने गर्दछ भने जोखिमयुक्त मानिने पदमार्गको यात्रा पर्यटकको प्रमुख गन्तव्यका रूपमा मानिन्छ। दुई वर्षको कोभिड संक्रमणको जाखिम र बाढी पहिराका कारण ठप्पजस्तै रहेको पर्यटक आगमन यस याममा पर्यटक उल्लेख्यरूपमा वृद्धि भएको अन्नपूर्ण संरक्षण क्षेत्र आयोजना मनाङले जनाएको छ। 

images

कार्यालयका अनुसार यस जिल्लामा कोभिडपछिकै धेरै संख्यामा बाह्य पर्यटक मनाङ भित्रिएका हुन्। जिल्लामा दैनिकरूपमा दुईदेखि तीन सयसम्म पर्यटक मनाङ भित्रिने गरेको अन्नपूर्ण संरक्षण क्षेत्र आयोजनाका सहायक प्रमुख पर्यटन सहायक क्षेत्रबहादुर गुरुङले जानकारी दिए।

images
images

उनका अनुसार मनाङमा जनवरीदेखि हालसम्म तीन हजार चारसय २० बाह्य पर्यटक भित्रिएका छन्। महिला एक हजार एकसय ३४ र पुरुष दुई हजार दुईसय ८६ पर्यटक भित्रिएको उनले बताए। जिल्लामा पर्यटक भित्रिने क्रम बढेसँगै यहाँका पर्यटन व्यवसायीमा खुसी भएका छन्। 

लामो समय आर्थिक मन्दीले सुस्ताएको पर्यटन व्यवसाय चलायमान हुँदा व्यवसायीले राहत महसुस गरेको व्यवसायी कुमार गुरुङले बताए। 'लामो समयपछि पर्यटकको आवतजावत बढेको छ, दैनिकरूपमा होटलमा करिब दुईसय पर्यटक बास बस्ने गरेका छन्', उनले भने।

त्यस्तै विगतका वर्षमा कोभिड महामारीका कारण ठप्पैजस्तो भएको पदमार्गमा पर्यटकको लर्को भेटिन्छन्। दैनिकरूपमा पर्यटक आवतजावत गरिरहेका हुन्छन्। थोराङ्ला पाससँगै सर्वाधिक अग्लो स्थानमा रहेको तिलीचो ताल पुग्ने सपना बोकेर विदेशी पर्यटक मनाङ भित्रिने गरेका छन्। यहाँ आएका बाह्य पर्यटक यहाँका व्यवसायीले गरेको स्वागत, सत्कार र व्यवस्थापनले खुसी बनाउने गरेको बताउँछन्।

पर्यटकको आगमन वृद्धि भएसँगै कोरोना महामारी र बाढीपहिराका कारण सुस्ताएको पर्यटन व्यवसाय चहलपहल हुँदा देशकै अर्थतन्त्रमा टेवा पुग्ने देखिन्छ। अन्नपूर्ण पदमार्गअन्तर्गत लमजुङको बेँसीसहरबाट पर्यटक पैदलयात्रा गरिरहेको देखिन्छन्। सन् २०२३ को सुरुवातमा नै ४२ देशका पर्यटक मनाङ भित्रिएका थिए। जनवरीमा ४२ देशका तीनसय १८ नागरिकले जिल्ला भ्रमणका लागि प्रवेश गरेको आयोजनाको तथ्यांकमा उल्लेख छ। यस वर्ष हिमपात नहुँदा थोराङ्ला भन्ज्याङ कट्ने, तिलिचो ताललगायतका विभिन्न स्थानमा पुग्ने पर्यटक वर्षको पहिलो महिनामा बढी भित्रिएको आयोजनाले जनाएको छ।

दुई याम गरी जिल्लामा पर्यटक घुम्न आउने गर्दछन् । दुई यामको छुट्टाछुट्टै रकम तिर्नुपर्ने प्रावधान निर्धारण गरिएको छ। पर्यटक हिमाली, पहाडका दृश्य, उच्च पहाड, मनाङवासीको रीतिरिवाज, प्राकृतिक सुन्दरता हेर्नुका साथै मनाङबाट थोराङ्लापास गरी मुस्ताङ कोही पोखरा जानका लागि अन्नपूर्ण पदमार्गमा पर्यटक आउने गर्छन्। अन्नपूर्ण पदमार्गको प्रवेशद्वार लमजुङ बेँसीसहर नगरपालिका-७ मनाङे चौतारामा छ। 

अन्नपूर्ण पदमार्गमा लमजुङसहित कास्की, मनाङ, मुस्ताङ र म्याग्दी गरी पाँच जिल्ला जोडिएको छ। काठमाडौँबाट बेँसीसहरसम्म सवारीसाधनमार्फत पर्यटक आउने गर्दछन् र पदमार्गबाट जिल्लाका विभिन्न स्थानको अवलोकनसहित यात्राको सुरुआत गर्दछन्। रासस 

images

प्रकाशित : आइतबार, चैत २६ २०७९०५:१६
प्रतिक्रिया दिनुहोस
images
ट्रेन्डिङ