काठमाडौं- नेपालमा भ्रमणका आएका सद्गुरु भनेर चिनिने जग्गी वासुदेव यती एयरको चार्टर उडान मार्फत भारत फर्किएका छन्।
त्रिभुवन अन्तर्राष्ट्रिय विमानस्थलबाट यती एयरको जहाज चार्टर गरी सद्गुरु भारतको अहमदाबाद फर्किएका हुन्।
उनी सवार यतीको जहाज ३:४३बजे काठमाडौंबाट उडान भरेको थियो। काठमाडौंबाट अहमदाबादसम्मको उडान ३ घण्टाको हुनेछ। सद्गुरुले बिहीबार मात्रै टुँडिखेलमा भैरवी उत्सवमा प्रवचन दिएका थिए।
सो प्रवचनका लागि सद्गुरुले केही दिनअघि नेपालमा आएर लिंग भैरवी मन्दिरको प्राणप्रतिष्ठा गरेका थिए। उनीसँगै दक्षिण भारतीय नायिका तमन्ना भाटिया पनि नेपाल आएकी थिइन्।
