काठमाडौं- साताको अन्तिम कारोबारमा सुनको मूल्यमा वृद्धि भएको छ।
बिहीबारको तुलनामा शुक्रबार सुनको मूल्य ८ सय रूपैयाँले वृद्धि भएको नेपाल सुनचाँदी व्यवसायी महासंघले जनाएको छ। महासंघका अनुसार शुक्रबार छापावाल सुनको मूल्य एक लाख एक हजार ८ सय र तेजाबी सुनको मूल्य एक लाख एक हजार ३ सय रूपैयाँ कायम छ।
बिहीबार छापावाल सुनको मूल्य प्रतितोला एक लाख एक हजार र तेजाबी सुनको मूल्य प्रतितोला एक लाख पाँचसय रूपैयाँ कायम थियाे। मंगलबारको तुलनामा बुधबार प्रतितोला एक हजार रूपैयाँले सस्तिएको सुन बिहीबार पाँचसय रूपैयाँले घटेको हो। दुई दिनमा १५ सय रूपैयाँको गिरावट आएको सुनको मूल्य शुक्रबार पुन: बढेको हो।
मंगलबार छापावाल सुन एक लाख दुई हजार पाँचसय रूपैयाँमा कारोबार भएको थियो भने बुधबार एक लाख एक हजार पाँचसय रूपैयाँ कायम थियो। तेजाबी सुनको मूल्य बुधबार एक लाख एक हजार तोकिएको थियो, जसको मूल्य मंगलबार एक लाख दुई हजार कायम थियो।
चाँदीको मूल्य भने आज स्थिर छ। बिहीबार एक हजार दुईसय २० रूपैयाँ कायम भएको चाँदी शुक्रबार पनि सोही मूल्यमा कारोबार भइरहेको महासंघले जनाएको छ।
