काठमाडौं। बिहीबार सुनको मूल्य पाँचसय रूपैयाँले सस्तिएको छ।
नेपाल सुनचाँदी महासंघका अनुसार बिहीबार छापावाल सुनको मूल्य प्रतितोला एक लाख एक हजार र तेजाबी सुनको मूल्य प्रतितोला एक लाख पाँचसय रूपैयाँ कायम छ।
मंगलबारको तुलनामा बुधबार प्रतितोला एक हजार रूपैयाँले सस्तिएको सुन बिहीबार पाँचसय रूपैयाँले घटेको हो। दुई दिनमा सुनको मूल्यमा १५ सय रूपैयाँको गिरावट आएको हो।
मंगलबार छापावाल सुन एक लाख दुई हजार पाँचसय रूपैयाँमा कारोबार भएको थियाे भने बुधबार एक लाख एक हजार पाँचसय रूपैयाँ कायम थियाे। तेजाबी सुनको मूल्य बुधबार एक लाख एक हजार तोकिएको थियाे, जसको मूल्य मंगलबार एक लाख दुई हजार कायम थियो।
बिहीबार चाँदी पनि घटेको छ। बुधबार ४० रूपैयाँले सस्तिएको सुन बिहीबार पाँच रूपैयाँले घटेको हो। बिहीबार चाँदीको मूल्य प्रतितोला एक हजार दुईसय २० रूपैयाँ कायम छ। चाँदी मंगलबार एक हजार २ सय ६५ रूपैयाँमा कारोबार भएको थियो।
