काठमाडौं- ईङवा हाइड्रोपावर लिमिटेडले पहिलाे चरणअन्तर्गत आयोजना प्रभावित र वैदेशिक रोजगारीमा गएका नेपालीहरूका लागि आइतबारदेखि साधारण सेयर निष्कासन तथा बिक्री खुला गरेको छ।
जारी पुँजी ६० करोड रूपैयाँ रहेको कम्पनीले आफ्नो जारी पूँजीको ६ लाख कित्ता आईपीओ आयोजना प्रभावित क्षेत्रका बासिन्दाहरुका लागि र १ लाख २० हजार कित्ता वैदेशिक रोजगारीमा रहेका नेपाली कामदारका लागि निष्कासन गरेको हो।
कम्पनीको सेयरमा कम्तिमा १० कित्ता र अधिकतम २० हजार कित्तासम्म आवेदन दिन पाइन्छ।
ताप्लेजुङ्ग जिल्लाको सिदिङ्गवा गाउँपालिका वडा नं. ३, पाँचथर जिल्लाको याङवरक गाउँपालिका वडा नं. २ र वडा नं. ३ का बासिन्दाहरुले आवेदन दिन सक्नेछन्। चैत ५ गतेसम्म आवेदन दिन सकिने कम्पनीले जनाएको छ।
दाेस्राे चरणअन्तर्गत आम सर्वसाधारणका लागि भने कम्पनीले केही समयपछि सेयर जारी गर्ने छ।
