काठमाडौं- बुद्ध एयरले फागुन २५ गतेदेखि पोखराबाट भद्रपुरको दैनिक सिधा उडान गर्ने भएको छ।
पोखरादेखि भद्रपुरको उडान अवधि लगभग १ घण्टाको हुनेछ। गन्तव्यको प्रमोशनल भाडादर ७ हजार ५ सय रूपैयाँ कायम गरिएको छ। पोखराबाट भद्रपुरको उडान समय बिहान ६ः१५ तथा भद्रपुरबाट पोखराको उडान समय ६:५५ रहेको छ।
दैनिक उडानबाट यी दुवै ठाउँको पर्यटकीयस्थलमा चहलपहल बढ्ने बुद्ध एयरको विश्वास छ।
यस उडानबाट दुवै पर्यटकीय शहरका नागरिक लभान्वित हुनेछन्।
