काठमाडौं- सन् २०२३ को पहिलो दुई महिनामै नेपाल भ्रमणमा आउने पर्यटकको संख्या १ लाख २७ हजार ३ सय २९ पुगेको छ।
अध्यागमन विभागका अनुसार जनवरीमा ५४ हजार ७४ र फेब्रुअरीमा ७३ हजार २ सय ५५ पर्यटक नेपाल भ्रमणमा आएका छन्। नेपाल भ्रमणमा आउने पर्यटकमध्ये सबैभन्दा बढी भारतीय रहेका छन्।
दुई महिनामा भारतबाट नेपाल भ्रमणमा आउने पर्यटको संख्या ३४ हजार ८ सय ३७ रहेको छ।
यसैगरी चीनले हवाई उडान खुला गरेसँगै चिनियाँ पर्यटको संख्या पनि बढ्न थालेको छ। जनवरीमा १४ सय ३६ चिनियाँ पर्यटक नेपाल भ्रमणका आएका थिए। फेब्रुअरीमा यो संख्या बढेर २ हजार २ सय २६ जना पुगेका छन्।
२०२३ को फेब्रुअरीमा मात्र भारतबाट १८ हजार ४ सय १ जना पर्यटक नेपाल आएका छन्।
यसैगरी अमेरिकाबाट ७ हजार ८८७ जना पर्यटक नेपाल आएका छन्। थाइल्याण्डबाट ४ हजार ८ सय २ जना बेलायतबाट ४ हजार ३ सय ४५, दक्षिण कोरियाबाट ३ हजार २ सय ४६, अष्ट्रेलियाबाट २ हजार ९ सय ६९, म्यानमारबाट २ हजार २ सय ३२, श्रीलंकाबाट २ हजार १ सय ७५ र जर्मनीबाट २ हजार १ सय ८ जना पर्यटक नेपाल आएका छन्।
