 (2).gif)
काठमाडौं- चालु आर्थिक वर्ष २०७९/८० को भदौदेखि माघ मसान्तसम्ममा भ्रमण खर्चका नाममा सरकारले साढे ३ करोड रुपैयाँभन्दा बढी खर्च गरेको छ।
अर्थ मन्त्रालयले सार्वजनिक गरेको विवरणअनुसार भदौदेखि माघ मसान्तसम्ममा विभिन्न टोलीको भ्रमण खर्चका लागि ३ करोड ५२ लाख २७ हजार रुपैयाँ निकासा भएको छ।
जसमा सबैभन्दा बढी राष्ट्रपति विद्यादेवी भण्डारीको आइसल्याण्ड भ्रमणको खर्च रहेको छ। राष्ट्रपतिको आइसल्याण्ड भ्रमण खर्चमात्रै १ करोड ६२ लाख ५ हजार रुपैयाँ रहेको छ।
कुन भ्रमण टोलीको खर्च कति?
- ईसीओएसओसी हाइ लेभल पोल्टिकल फोरममा राष्ट्रिय योजना आयोगको भ्रमण टोलीको दैनिक भत्ता तथा भ्रमण खर्च वापत १९ लाख ८८ हजार रुपैयाँ।
- एसिया प्यासिफिक ग्रुप अन मन लाउन्ड्रिङ मलेसियाको क्वालालम्पुरमा भएको प्रधानमन्त्री तथा मन्त्रिपरिषद्को कार्यालयको भ्रमण टोलीको खर्च २६ लाख ६८ हजार रुपैयाँ।
- आन्तरिक राजस्व विभागको विदेशमा हुने तालिमको टिकटका लागि १५ लाख रुपैयाँ।
- राष्ट्रिय सभाका अध्यक्षको जापान भ्रमणमा ७ लाख ४५ हजार रुपैयाँ।
- पूर्व परराष्ट्र मन्त्री नारायण खड्काको जनवादी चीनको भ्रमणमा १ लाख ३४ हजार रुपैयाँ।
- सेप्टेम्बरमा कानुन सचिव सहितको भ्रमण टोलोको भारत भ्रमणमा ३ लाख ८५ हजार यसैगरी अगष्टमा कानुन सचिवकै टोलीको अमेरिका भ्रमणमा १७ लाख ९९ हजार रुपैयाँ।
- यूएनसीएसी कार्यक्रममा प्रधानमन्त्री तथा मन्त्रिपरिषद्को कार्यालयका सचिव धनराज ज्ञवालीको भ्रमणमा ७ लाख ७० हजार रुपैयाँ।
- संयुक्त राष्ट्र संघको ७७ औं सम्मेलनमा परराष्ट्रसचिव सहितको भ्रमण टोलीको खर्च २८ लाख ९८ हजार रुपैयाँ।
- चीनको राष्ट्रिय जनकांग्रेस, स्थायी समितिका अध्यक्षको नेपाल भ्रमणमा ४१ लाख १३ हजार रुपैयाँ।
- पुसमा तत्कालिन सूचना तथा सञ्चार मन्त्री तथा थप २ सदस्यको रोमानियको भ्रमणमा १० लाख ७२ हजार रुपैयाँ।
- राष्ट्रपतिको आइसल्याण्ड भ्रमणमा १ करोड ६२ लाख ५ हजार रुपैयाँ।
- राष्ट्रिय सभाका अध्यक्षको २१ देखि २४ नोभेक्बरमा भएको कम्बोडिया भ्रमणमा ३४ लाख २३ हजार रुपैयाँ।
- प्रधानमन्त्री तथा मन्त्रिपरिषद्को कार्यलयका सचिवको नोभेम्बर १८ र १९ मा भएको भारत भ्रमणमा १ लाख २६ हजार रुपैयाँ।
