 (2).gif)
काठमाडौं- उपप्रधानमन्त्री तथा अर्थमन्त्री विष्णुप्रसाद पौडेल भारतको बेंग्लोरमा आयोजित जी २० का अर्थमन्त्रीहरूको सम्मेलनमा भाग लिएर फर्किएका छन्।
सम्मेलनमा भाग लिनका अतिरिक्त उपप्रधानमन्त्री तथा अर्थमन्त्री पौडेलले भारतका अर्थमन्त्री निर्मला सितारमण, चीनका अर्थ मन्त्रालयका उपमन्त्री वाङ दङवै लगायतसँग अर्थतन्त्र र विकासका विविध आयामबारे छलफल गरेका थिए।
जी २० का अर्थमन्त्रीहरूको सम्मेलन शुक्रबार र शनिबार भएको थियो। सम्मेलनमा भाग लिन उपप्रधानमन्त्री तथा अर्थमन्त्री पौडेल फागुन ११ गते भारत गएका थिए।
नेपाल जी २० को सदस्य नरहे पनि सम्मेलनमा भाग लिन भारतले निमन्त्रणा गरेको थियो।
