काठमाडौं- ट्राफिक बत्तीमा रोकिएर अघि बढ्ने बेला थापाथलीमा एउटा कारले पछाडिबाट पाँचवटा सवारीमा ठक्कर दिँदा दुर्घटना भएको छ। प्रहरीका अनुसार कारले दुई स्कुटर, दुई मोटरसाइकल र एउटा ठूलो बसमा ठक्कर दिएको हो।
चारवटै सवारीलाई बागमती प्रदेश ०१, ०२६ च ५४११ नम्बरको इलेक्ट्रिक एमजी कारले ठक्कर दिएको हो। ठक्करले एक मोटरसाइकल चालक घाइते भएका छन्। कारले दिएको ठक्करले एउटा मोटरसाइकल बसको तल पसेको थियो। उक्त मोटरसाइकलका चालकलाई उपचारका लागि अस्पताल लगिएको छ।
ठक्करका कारणले अन्य सवारीमा पनि क्षति पुगेको छ। कारसहित चालकलाई नियन्त्रणमा लिएर थप अनुसन्धान गरिरहेको ट्राफिक प्रहरीले जनाएको छ। प्रत्यक्षदर्शीहरूका अनुसार आफू कारमा निदाउन पुगेकाले दुर्घटना भएको कारका चालकले बताएका छन्।
