काठमाडौं- तीन कम्पनीहरुको लाभांश सुरक्षित गर्ने अन्तिम दिन रहेको छ। साधारण सभा तथा लाभांश वितरण प्रयोजनार्थ स्वाबलम्बन लघुवित्त, कर्पोरेट डेभलपमेन्ट बैंक र ङादी ग्रुपले फागुन १० गते बुकक्लोज गर्दैछन्।
स्वाबलम्बन लघुवित्त वित्तीय संस्था लिमिटेडको आज सेयर खरिद गर्ने लगानीकर्ताले १५ प्रतिशतका दरले बोनस सेयर र ६.०५२६ प्रतिशत नगद लाभांश पाउने छन्।
कर्पोरेट डेभलपमेन्ट बैंकको सेयर खरिद गर्ने लगानीकर्ताले ५ प्रतिशतका दरले बोनस सेयर र सोको कर प्रयोजनार्थ ०.२६ प्रतिशत नगद लाभांश पाउने छन्।
ङादी ग्रुप पावरको सेयर खरिद गर्ने लगानीकर्ताले ५ प्रतिशत लाभांश पाउने छन्। जसमध्ये ४.७५ प्रतिशत बोनस सेयर रहेको छ भने बाँकी ०.२५ प्रतिशत कर प्रयोजनार्थ नगद लाभांश रहेको छ।
