काठमाडौं- २० रुपैयाँ दरका नयाँ नोट छपाइको जिम्मा चिनियाँ कम्पनीले पाएको छ। नेपाल राष्ट्र बैंकले आव्हान गरेको टेन्डरमा सहभागी भएको चिनिया कम्पनी एमएस चाइना बैंकनोट प्रिन्टिङ एण्ड मिन्टिङ कर्पोरेसनले पाएको हो। 

यो कम्पनीले ३१ करोड थान २० रुपैयाँका नोट छपाइका लागि ४६ लाख ९८ हजार ६८५ अमेरिकी डलर कबोल गरेको थियो। 

राष्ट्र बैंकले पछिल्लो समय नयाँ नोट छपाइका लागि आव्हान गरेका प्राय टेन्डरमा चिनिया कम्पनीले जितिरहेका छन्। २० रुपैयाँका नोट छपाइका लागि भएको टेन्डलरमा तीनवटा कम्पनी प्राविधिक रुपमा सफल भएका थिए। 

चिनिया कम्पनीसँगै भारत र फ्रान्सको कम्पनी प्रतिस्पर्धामा थिए। 

चिनियाँ कम्पनीको यो प्रस्ताव अनुसार ठेक्का सम्झौता भएमा एउटा २० रुपैयाँको नोट छपाइको लागत २ रुपैयाँ पर्ने देखिएको छ।