काठमाडौं- एकैदिन १० अर्ब निक्षेप घटेको छ। नेपाल राष्ट्र बैंकका अनुसार ५३ खर्ब ६५ अर्बबाट एकैदिनमा १० अर्ब घटेको हो। यता वित्तीय संस्थाहरुको ऋण लगानी ६ अर्बले बढेको छ।
राष्ट्र बैंकका अनुसार वाणिज्य बैंकहरुको निक्षेप पनि ४७ खर्ब २७ अर्बबाट घटेर ४७ खर्ब १७ अर्ब रुपैयाँमा झरेको छ।
यता सीडी रेसियो ८६.६३ प्रतिशत पुगेको छ भने अन्तरबैंक ब्याजदर ४.३५ प्रतिशतमा झरेको छ।
निक्षेप आउन थालेपछि बैंकहरुले ऋण लगानी बढाउन थालेका छन्।
साथै नेपाल बैंकर्स संघले फागुन महिनामा ब्याजदर नघटाउने निर्णय गरेको छ। माघमा ब्याजदर घटाएर ११ प्रतिशतमा झारिएको थियो। तर संघले फागुनमा ब्याजदर स्थिर राख्ने निर्णय गरेको हो।
