काठमाडौं- सिटिजन बैंकका प्रमुख कार्यकारी अधिकृत (सीईओ)मा गणेशराज पोखरेल दोस्रो कार्यकालका लागि नियुक्त भएका छन्।
बैंकको सञ्चालक समितिले पोखरेललाई चार वर्षे कार्यकालका लागि पुनर्नियुक्ति दिएको हो।
बैंक तथा वित्तीय संस्था सम्बन्धी ऐन २०७३ अनुसार कुनै पनि बैंकमा दुई कार्यकालसम्म सीईओ बन्न मिल्ने व्यवस्था छ। सोही व्यवस्थाअनुसार पोखरेललाई दोस्रो कार्यकालका लागि पुनर्नियुक्ति दिइएको बैंकले जनाएको छ।
