काठमाडौं- भारत सरकारले बजेट मार्फत् विद्युतीय उपकरण तथा नयाँ ऊर्जामा आधारित सवारीसाधन सस्तो बनाउने नीति लिएको छ। 

आज भारतमा सार्वजनिक भएको केन्द्रीय सरकारको बजेटले पछिल्ला केही वर्षदेखि मोबाइल फोनको उत्पादन बढाउनका लागि आवश्यक उपकरण तथा पदार्थको आयातमा दिँदै आएको छुटलाई निरन्तरता दिएको छ। 

यो बजेटबाट त्यस्ता उपकरणको आयातमा थप छुट दिइएको छ। क्यामेराका लेन्स, लिथियम ब्या्ट्री लगायतका आयातमा सरकारले छुट दिएको छ। मोबाइलसँग टीभी उत्पादनमा आवश्यक उपकरणको आयातमा पनि भन्सार महसुल छुट दिइएको छ। 

विद्युतीय सवारी साधनको उत्पादन तथा प्रयोगलाई बढाउनका लागि भारत सरकारले पछिल्लो समय छुट दिँदै आएको छ। यो बजेटबाट भारतले ब्याट्रीको आयातमा लाग्दै आएको भन्सार महसुल हटाइदिएको छ। त्यस्तै सीएनजीबाट जीएसटी हटाइदिएको छ। 

नेपालमा विद्युतीय उपकरणको आयात हुँदै आएको छ। भारतमा उत्पादनका लागि सहुलियत हुँदा उत्पादन लागत घट्न गइ मूल्य घट्दा अन्तत: केही प्रभाव पर्नसक्छ। यद्यपि निर्यात नीति भारतीय सरकारले कार्यकारी निर्णयमा निर्भर हुन्छ।