काठमाडौं- नेपाली बजारमा सुनको मूल्यले नयाँ रेकर्ड कायम गरेको छ। पहिलो पटक सुनको मूल्य तोलामा १ लाख ६ हजार ९ सय रुपैयाँ कायम भएको हो।
केही दिनअघि सुनको मूल्य तोलामा १ लाख ६ हजार ५ सय रुपैयाँमा कारोबार भएको थियो। विवाहको सिजनमा सुनको मूल्यले नयाँ नयाँ रेकर्ड बनाउँदै गएको छ।
बुधबार छापावाल सुन प्रतितोला १ लाख ६ हजार २ सय रुपैयाँमा कारोबार भएको थियो। बिहीबारका लागि भने छापावाल सुनको मूल्य प्रतितोला ७ सय रुपैयाँ बढेर १ लाख ६ हजार ९ सय रुपैयाँ कायम भइ नयाँ रेकर्ड बनेको हो।
त्यस्तै चाँदीको मूल्य पनि तोलामा १५ रुपैयाँ बढेको हो। बिहीबारका लागि चाँदीको मूल्य १३ सय ८० रुपैयाँ तोकिएको छ। बुधबार चाँदी प्रतितोला १३ सय ६५ रुपैयाँमा कारोबार भएको नेपाल सुनचाँदी व्यवसायी महासंघले जनाएको छ।
