काठमाडौं- सरकारले दर्ता भइ सञ्चालन भएका तर मापदण्ड पूरा नभएका क्रसर उद्योगलाई मापदण्ड पूरा गर्ने थप समय दिने भएको छ।
बुधबार बसेको मन्त्रिपरिषद्को बैठकले मापदण्ड पूरा गर्नका लागि आगामी असार मसान्तसम्मको समयसीमा तोकिएको गृहमन्त्रीका प्रस संयोजक नवराज पाण्डेले बताए।
मन्त्रिपरिषद् बैठकले क्रसर उद्योगहरुलाई थप नियमन गर्नका लागि भन्दै यस्तो निर्णय गरेको हो। तर विना अनुमति सञ्चालित सबै क्रसर उद्योग भने बन्द गराउने निर्णय मन्त्रिपरिषद्ले गरेको छ। साथै आयोजना विशेषका लागि खुलेका तर आयोजना सम्पन्न पश्चात पनि चलिरहेका क्रसर उद्योगहरु पनि बन्द गराउने सरकारले निर्णय गरेको छ।
