काठमाडौं- यती एयरलाइन्सको जहाज पोखरामा दुर्घटनाग्रस्त भएको छ। आइतबार बिहान काठमाडौंबाट पोखराका लागि उडेको जहाज सेती खोचमा दुर्घटनाग्रस्त भएको हो।
जहाज काठमाडौंबाट ६८ जना यात्रु लिएर उडेको थियो। उडानमा चालक दलका चारजना थिए।
नाइन एन-एएनसी एटीआर-७२ जहाज पोखरा विमानस्थलमा अवतरण गर्ने क्रममा पुरानो एयरपोर्ट र नयाँ एयरपोर्टको बीचमा रहेको सेती किनारमा दुर्घटना भएको हो।
दुर्घटनाको कारण खुलेको छैन। अवतरणका लागि जहाजले अनुमति पाइसकेको थियो।
