काठमाडौं- अमेरिकी डलरको शंकास्पद कारोबारमा मुछिएका पृथ्वी शाहलाई नेपाल प्रहरीको केन्द्रीय अनुसन्धान ब्युरोले पक्राउ गरेको छ।
शाहसहितले विदेशी नागरिकहरूलाई विश्वासमा पारेर स्विफ्टमार्फत करोडौँ रुपैयाँ ठगी गरी नेपाल भित्र्याएको खुलेको प्रहरीले जनाएको छ।
शाहसहित उनका भाइ विजय बिक्रम शाह, चक्र बहादुर खत्री, अनुप खड्का, रुकमाङ्गत काफ्ले र रंगबहादुर साउद प्रकाउ परेका छन्।
ठग्गीसम्बन्धी कसुर मुद्दामा प्रकाउ परेका उनीहरूमाथि थप अनुसन्धान सुरु गरिएको ब्युरोले जनाएको छ।
प्रहरीका अनुसार ४६ लाख ४६ लाख ७ सय ३७ अमेरिकी डलर, १२ हजार ८ सय २५ पाउन्ड, ३ करोड २२ लाख २८ हजार ६ सय ८० नेपाली रुपैयाँ गैरकानुनी रुपमा ठगी गरि ल्याएको अनुसन्धानबाट खुलेको छ।
