काठमाडौं- साताको अन्तिम दिन शुक्रबार नेपाली बजारमा सुन तथा चाँदीको मूल्य घटेको छ। पछिल्लो केही दिनयता १ लाख रुपैयाँभन्दा बढी मूल्यमा कारोबार भएकोमा शुक्रबार त्यभन्दा तल झरेको हो।
बिहीबार छापावाल सुन प्रतितोला १ लाख ३ सय रुपैयाँमा कारोबार भएको थियो। शक्रबारका लागि छापावाल सुनको मूल्य तोलामा ४ सय रुपैयाँ घटेर ९९ हजार ९ सय रुपैयाँ कायम भएको छ।
त्यस्तै चाँदीको मूल्य पनि तोलामा १० रुपैयाँ घटेको छ। शुक्रबारका लागि चाँदीको मूल्य प्रतितोला १३ सय ७० रुपैयाँ तोकिएको छ। बिहीबार चाँदी प्रतितोला १३ सय ८० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ।
