काठमाडौं- विराटनगरमा रहेको एकीकृत भन्सार पोष्ट (आईसीपी)मा कन्टेनर र रेल याड तथा पहुँच मार्ग बनाउन गरिएको टेन्डरमा ५ वटा निर्माण कम्पनी छनोट भएका छन्। गत भदौमा उक्त निर्माण कार्यका लागि टेन्डर आह्वान गरिएको थियो।
नेपाल इन्टरमोडल यातायात विकास समितिले विराटनगरमा रहेको आईसीपी निर्माणका लागि भएको टेन्डरमा अप्लाइ गरेका कम्पनीहरु मध्येबाट ४ वटा कम्पनी प्रविधिक रुपमा योग्य रहेको सूचना प्रकाशित गरेको छ।
प्राविधिक रुपमा योग्य रहेका कम्पनीहरुमा गौरी पार्वती निर्माण सेवा, हिमदुङ एन्ड थोकर कम्पनी, आशिर्वाद विष्णु जेभी र ओम साइराम पीआर जेभी रहेका छन्। यी कम्पनीहरु मध्येबाट पुस ४ गते एउटा कम्पनीलाई छनोट गरि निर्माणको जिम्मा दिने समितिले जनाएको छ।
उक्त निर्माण कार्यका लागि बिड रेक्युरिटी बापतको रकम नै १ करोड ७५ लाख रुपैयाँ रहेको छ। केही दिन अघि समितिले विराटनगर आईसीपीको पर्खाल, पहुँच मार्ग लगायको निर्माण लागि पनि टेन्डर गरेको थियो।
