काठमाडौं- चालु आर्थिक वर्ष २०७९/०८० को पहिलो तीन महिनामा गत आवको सोही अवधिको तुलनामा आयात तथा निर्यात दुवै घटेको छ।
भन्सार विभागका अनुसार चालु आवको तीन महिना साउनदेखि असोजसम्ममा गत आवको सोही अवधिको तुलनामा आयात १६.२० प्रतिशतले घटेको हो।
यसैगरी निर्यात पनि गत आवको पहिलो ३ महिनाको तुलनामा चालु आवको पहिलो ३ महिनामा ३५.७१ प्रतिशतले घटेको छ।
चालु आवको तीन महिनामा नेपालले ४ खर्ब ९९ करोड रुपैयाँ बराबरको सामान आयात गरेको छ। गत आवको सोही अवधिका नेपालले ४ खर्ब ७८ अर्बको सामान आयात गरेको थियो।
यसैगरी नेपालले चालु आवको ३ महिनामा ४१ अर्ब ८२ करोड रुपैयाँ बराबरको सामान निर्यात गरेको छ। नेपालले गत वर्षको सोही अवधिमा ६५ अर्ब ५ करोड रुपैयाँ बराबरको सामान निर्यात गरेको थियो।
यसै गरी कुल वैदेशिक व्यापारमा पनि १८.५४ ले कमी आएको छ भने नेपालको वैदेशिक व्यापार घाटा १३.१३ प्रतिशतले कमी आएको छ।
