काठमाडौं- चालु आर्थिक वर्षको भदौमा उपभोक्ता मूल्यवृद्धि ८.६४ प्रतिशत पुगेको छ।
नेपाल राष्ट्र बैंकको तथ्यांक अनुसार गत वर्षको भदौको तुलनामा यो वर्षको भदौमा मूल्यवृद्धि ८.६४ प्रतिशतले भएको छ।
गत वर्षको भदौमा यस्तो मूल्यवृद्धि ३.४९ प्रतिशत रहेको छ। गत वर्षको मंसिरमा उकालो लागेको मूल्यवृद्धि त्यसपछि निरन्तर बढीरहेको छ। साउनमा केही घटेपनि फेरि उकालो लागेको छ।
अन्तर्राष्ट्रिय बजारमा भइरहेको मूल्यवृद्धि तथाम नेपालमा आइरहेको चुनावका कारणले अझै उकालो लाग्नसक्ने प्रक्षेपण भइरहेका छन्।
२०७८ भदौको तुलनामा २०७९ भदौमा खाद्य तथा पेय पदार्थ समूहमा सबैभन्दा धेरै फलफूल १७.२९ प्रतिशत, घ्यू तथा तेल १४.५३, रेष्टुरेण्ट तथा होटलको १२.३० र तरकारीको मूल्य ९.९४ प्रतिशतले बढेको छ।
गैर–खाद्य तथा सेवा समूह अन्तर्गत यातायात, स्वास्थ्य, फर्निसिङ्ग तथा घरायसी उपकरणहरु, शिक्षा र घरायसी उपयोगका वस्तुहरु उपसमूहको मूल्यमा उच्च वृद्धि भएको छ।
