काठमाडौं- अमेरिकी विद्युतीय कार उत्पादक कम्पनी टेस्ला इंकले यो वर्षको तेस्रो त्रैमासमा २ लाख ४१ हजार ३ सय वटा विद्युतीय सवारी बिक्री गरेको छ। कम्पनीको यो बिक्री संख्या विश्वभरको हो। 

टेस्लाले उपभोक्तालाई हस्तान्तरण गरेको यो संख्या हालसम्मकै सर्वाधिक हो। विश्वभर विद्युतीय सवारीको माग उलेख्य रुपमा बढी रहेको छ। यसैको परिणाम स्वरुप टेस्लाको बिक्रीमा यस्ता नतिजा आएको हो। 

सेप्टेम्बरको सुरुवातमै टेस्लाका प्रमुख एलन मस्कले कारको बिक्री बढाउने गरि काम गर्न भन्दै कर्मचारीलाई इमेल पठाएका थिए। 
टेस्लाले २०२१ को दोस्रो त्रैमासमा २ लाख १ हजार २ सय ५० वटा कार बिक्री गरेको थियो। टेस्लाका धेरै बिक्री हुने कारमा मोडल एस, मोडल थ्री, मोडल एक्स र मोडल वाइ हुन्। 

विश्वभर चिपको अभावका कारण कारको उत्पादन काम भइरहेको छ। तर हालसम्म टेस्लाले भने उक्त भोग्न नपरेको जनाएको छ। टेस्लाले टेक्ससमा र जर्मनीको बर्लिनमा गिगाफ्याक्ट्री केही समयमै सञ्चालनमा ल्याउने तयारी गरेको छ। यी दुई प्लान्ट सञ्चालनमा आएसँगै टेस्लाको बिक्री संख्यामा थप सकारात्मक प्रभाव पर्ने छ। 

साथै टेस्लाले नयाँ मोडल नेक्स्ट–जेन रोडस्टा र साइबरट्रक बजारमा ल्याउने तयारी गरेको छ। टेस्ला भारतीय बजारमा आउने योजनामा छ। टेस्लाले भारतको कर नीतिमा केही हेरफेर चाहेको छ।