काठमाडौं- काभ्रेको धुलिखेलमा सञ्चालन भएको पतञ्जली आयुर्वेदिक मेडिकल कलेज तथा रिसर्च सेन्टरको पूर्ण संरचना निर्माण तथा सञ्चालनका लागि साढे ३ अर्ब रुपैयाँ लाग्ने अनुमान भएको छ।
सेन्टरको संरचना निर्माणका लागि आवश्यक वातावरणीय प्रभाव मूल्यांकन रिपोर्ट वन तथा वातावरण मन्त्रालयले राय सुझावका लागि सार्वजनिक गरेको छ।
काभ्रेको धुलिखेल नगरपालिका वडा नम्बर ३ मा सेन्टरको संरचना बन्ने छ। २००६ सालमा स्थापन भएको सेन्टरमा हालसम्म ३ वटा भवनको संरचना बनिसकेको छ।
अब थप १२ वटा संरचना बन्ने छ। सेन्टरमा २ सय शैया रहने छ। सेन्टरमा एक पटकमा १ सय ५० वटा सम्म सवारी पार्किङ बन्ने छ।
