काठमाडौं- बैंकिङ प्रणालीमा लगानीयोग्य रकम (तरलता) अभाव भएपछि नेपाल राष्ट्र बैंकले २० अर्बको रिपो जारी गर्ने भएको छ।
बजारमा निक्षेपभन्दा ऋणको माग धेरै भएपछि बैंकिङ प्रणालीले तरलता संकट खेपिरहेको छ। यही अवस्थालाई सहज पार्नका लागि केन्द्रीय बैंकले २० अर्ब रुपैयाँ बजारमा पठाउने भएको हो।
केन्द्रीय बैंकले यसका लागि आज तीन बजे बोलकबोलका माध्यमबाट बजारमा पैसा पठाउने भएको छ।
एकातिर सरकारी खर्च सन्तोषजनक नहुनु र अर्कोतिर ऋणको मागअनुसारको निक्षेप संकलन नहुँदा तरलता संकट गहिरिँदै गएको बैंकरहरुले बताएका छन्।
