काठमाडौं- गोल्डस्टार जुत्ता खरिद गर्दा आईएमई पे डिजिटल वालेबाट भुक्तानी गर्दा २० प्रतिशत क्यासब्याक पाइने भएको छ। 

यो अफरका लागि ग्राहकले गोल्डस्टारको आधिकारिक वेबसाइटबाट जुत्ता खरिद गर्नुपर्ने छ।  त्यसरी वेबसाइटबाट जुत्ता खरिद गर्दा भुक्तानी भएको रकमको २० प्रतिशत वालेटमा जम्मा हुने छ। 

आईएमई पे र गोल्डस्टारको निर्माता किरण शुजबीच चाडपर्वको अफरमा साझेदारीको सम्झौता भएसँगै यस्तो अफर उपभोक्ताले पाउने भएका छन्। 

सम्झौता अनुसार आईएमई पे डिजिटल दशैँ तिहार २०७९ क्याम्पेनमा गोल्डस्टार जुत्ता साझेदारको रुपमा जोडिएको छ। यसमा गोल्डस्टार जुत्ताले आइएमई पेलाई यस ४६ दिने क्याम्पेन अवधिभर हरेक दिन १ जोर जुत्ता दिने छ। 

आइएमई पेको दशैँ क्याम्पेनमा हरेक दिन १ बिजेताले रिडिमेबल भउचर कोड पाउनेछन्। सो कोड प्रयोग गरी विजेताहरुले गोल्डस्टार जुत्ताको आधिकारिक वेबसाईटमा निःशुल्क जुत्ता पाउनेछन्।