काठमाडौं- राष्ट्रपति विद्यादेवी भण्डारीले संविधान दिवसको अवसरमा ९ सय ९८ जनालाई विभिन्न मानपदवी, अलंकार र पदकद्वारा विभूषित गर्ने घोषणा गरेकी छन्। जसमा तीन दर्जनभन्दा बढी उद्योगी तथा व्यवसायी रहेका छन्।

आज विभूषित हुनेहरूको नामावली सार्वजनिक गरिएको छ। विभूषित हुनेमा एनएमबी बैंकका प्रमुख कार्यकारी अधिकृत सुनिल केसी र नबिल बैंकका प्रमुख कार्यकारी अधिकृत ज्ञानेन्द्र प्रसाद ढुंगाना रहेका छन्।

उनीहरूलाई प्रवल जनसेवाश्रीबाट विभूषित गरिएको हो। यसैगरी राष्ट्र यशोवर्द्धकबाट बैंकर मनिराम पोखरेल, संचित बज्राचार्य, दिनेश थकाली र रुकमिणा कुमारी ज्ञवाली विभूषित भएका छन्। यसैगरी विकास रत्नबाट बैंकर शिक्षा भट्टचन पनि विभूषित भएका छन्।