काठमाडौं- दसैँको नयाँ नोट असोज २ गतेदेखि सटही गर्न पाइने भएको छ। नेपाल राष्ट्र बैंकले सबै वाणिज्य बैंकहरूलाई असोज २ देखि नयाँ नोट सटही गर्न निर्देशन दिएको छ।
जसका लागि उपत्यकामा कम्तीमा पाँचवटा शाखा तोक्न समेत राष्ट्र बैंकले बैंकहरूलाई निर्देशन दिएको छ। निर्देशनसँगै २६ वाणिज्य बैंकहरूले कम्तीमा उपत्यकामा पाँचवटा र बाहिर जिल्लामा समेत नयाँ नोट उपलब्ध गराउने छन्।
राष्ट्र बैंकले ५, १०,२०, ५० र १०० रुपैयाँका नोट बढीमा एकजनालाई एक/एक प्याक गरी १८ हजार ५ सय रुपैयाँसम्म उपलब्ध गराउन सक्ने गरी निर्देशनसमेत दिएको छ।
