.jpg)
.jpg)
.gif)
.gif)
काठमाडौं- यो साता आइतबार ११.४७ अंकले घटेको सेयर बजारमा सोमबार पनि पुन: गिरावट नै देखिएको छ। बैंकिङ प्रणालीमा सुधारको संकेतहरू देखिइरहँदा त्यसको प्रभाव पुँजी बजारमा भने पर्न सकेको छैन।
.gif)
सोमबार १३.५९ अंकले घटेर बजार १९१२.६९ बिन्दुमा झरेको छ। ८३ करोड १६ लाख रुपैयाँको कारोबार हुँदा २८ कम्पनीको सेयर मूल्य बढेको छ। १४९ कम्पनीको सेयर मूल्यमा गिरावट आएको छ।
.gif)
.gif)
हिजो आइतबार ११.४७ अंकले घटेर सेयर बजार १९२६.२८ बिन्दुमा झर्दा पनि ७४ करोड ७२ लाख रुपैयाँको मात्र कारोबार भएको थियो।
विश्वासयोग्य वातावरणको खोजी भइरहेको सेयर बजारमा लगानीकर्ताहरूले भरपर्दो आधार नभेट्दा निरन्तर ओरालोतर्फ देखिएको छ। मौद्रिक नीतिपछि बजारको सुधारका लागि आवश्यक सूचकहरू मिल्दै गएको भनिए पनि अवस्था ठीक विपरित भइरहेको छ।
२०७८ भदौ २ गते अहिलेसम्मकै उच्च बिन्दु ३१९९ मा पुगेर ओरालो यात्रामा लागेपछि सेयर बजार गएको असार ९ गते १८४८ सम्म झरेको थियो। अहिलेको उतारचढावपूर्ण अवस्थापछि देखिएको ओरालो यात्राले बजार पुन: १८४८ आसपासमै पुग्ने देखिएको विश्लेषकहरू बताउँछन्। त्यसपछि पनि बजारले साथ पाउन सक्ने यकिन नभएको उनीहरूको भनाइ छ।
