काठमाडौं- चेक कार ब्रान्ड स्कोडा अटोले भारतमा र्यापिडको लिमिटेड इडिसन सार्वजनिक गरेको छ। कम्पनीले सोमबार सार्वजनिक गरेको लिमिटेड इडिसन र्यापिड मिड साइज सेडान कार हो।
१.० लिटर इन्जिन क्षमताको नयाँ र्यापिड अटोमेटिक र म्यानुअल ट्रान्समिसनमा उपलब्ध छ। यो कारको भारतीय बजारमा ११ सय ९९ हजार भारु तोकिएको छ। त्यस्तै अटोमेटिक भेरियन्टको मूल्य १३ लाख ४९ हजार भारु तोकिएको छ।
स्कोडाले भारतमा २०११ मा पहिलो पटक र्यापिड सार्वजनिक गरेको थियो। त्यसयता भारतमा १ लाख भन्दा बढी र्यापिड बिक्री भइसकेको स्कोडा अटो इन्डियाका ब्रान्ड डाइरेक्टर ज्याक हाृेलिजले बताएको इकोनोमिक टाइम्सले लेखेको छ।
स्कोडाको र्यापिड नेपाली बजारमा समेत बिक्री हुँदै आएको छ। मिडसाइज सेडान सेगमेन्टमा स्कोडा र्यापिड उल्लेख्य संख्यामा बिक्री भइरहेको स्कोडाको नेपालका लागि आधिकारिक बिक्रेता एमएडब्लू इन्टरप्राइजेजले जनाएको छ।
