काठमाडौं- पछिल्लो समय रिडी पावरको सेयर मूल्य लगातार बढिरहेको छ।
रिडी हाइड्रोपावर र रैराङ्ग हाइड्रोपावर डेभलपमेन्ट कम्पनी मर्ज गत साउन २९ देखि एकीकृत कारोबार सुरु गरेको थियो। दुई कम्पनीको मर्जरपछि केही समय नेगेटिभ सर्किट लागेको कम्पनीमा पछिल्लो एक सातादेखि भने लगातार बढिरहेको छ।
अहिले कम्पनीको सेयर मूल्य सोमबार पनि १९ रुपैयाँले बढेको छ। लगातार समग्र सेयर घटेपनि रिडी कम्पनीको सेयर मूल्य बढीरहेको छ। सोमबार कम्पनीको सेयर मूल्य ६०७ रुपैयाँ पु्गेको छ। अन्य हाइड्रो पावर कम्पनीको सेयर मूल्य घटेर आईपीओ सरह पुगिरहेको छ। तर रिडीको सेयर मूल्य पुनः एक हजार रुपैयाँको यात्रामा रहेको छ।
सोमबार पनि १ लाख ६४ हजार कित्ता कारोबार हुँदा ९ करोड ९६ लाख रुपैयाँ बराबरको सेयर किनबेच भएको छ। कम्पनीको सेयर सोमबार सबैभन्दा बढी कारोबार भएको कम्पनी हो।
पछिल्लो ५२ हप्तामा १०३२ रुपैयाँसम्म पुगेको सेयर मूल्य घटेर ५५९ रुपैयाँसम्म आइपुगेको छ। कम्पनीको चुक्ता पुँजी १ अर्ब १० करोड रुपैयाँ रहेको छ। कम्पनीको बजार पुँजीकरण ६ अर्ब ७१ करोड रुपैयाँ रहेको छ।
