काठमाडौं- नेपाल राष्ट्र बैंकले सम्पत्ति शुद्धीकरणविरुद्धको अभियानलाई अझै कडा बनाउने भएको छ। राष्ट्र बैंकले बैंकिङ कारोबार मार्फत अन्तर्राष्ट्रिय व्यापारमा हुनसक्ने शुद्धीकरणको जोखिम न्यूनीकरणका लागि ट्र्याकिङ बढाउने भएको छ।

केन्द्रीय बैंकले आज जारी एकीकृत निर्देशको संसोधनमा  आयात निर्यातमा हुन सक्ने सम्पत्ति शुद्धीकरणको जोखिम नियन्त्रण गर्नका लागि भन्दै बैंकहरूलाई बढी उत्तरदायी बनाउने व्यवस्था गरेको छ। 

राष्ट्र बैंकले यसका लागि  सम्भावित शुद्धीकरण नियन्त्रणका लागि एलसी खोल्दा थप अध्ययन गर्नुपर्ने व्यवस्था गरिदिएको छ। 

व्यापारका लागि विदेशी मुद्रा सटही सुविधा दिनु पहिले सम्पत्ति शुद्धीकरणको जोखिम न्यूनीकरणका लागि बैंक आफैले कार्यविधि बनाइ थप अध्ययन गर्नुपर्ने छ। यसका लागि उनीहरूले अन्तर्राष्ट्रिय बजार मूल्य र घोषित मूल्यबीचको अन्तरको अध्ययन गर्नुपर्ने छ। मूल्यको अन्तर अस्वभाविक नदेखिएपछि मात्र सटही सुविधा दिनुपर्ने छ।