काठमाडौं- नेपालमा रेमिट्यान्स ल्याउनका लागि अनुमति पाएका बैंक तथा वित्तीय संस्था, विप्रेषण कम्पनीले कार्डको माध्यमबाट पनि भुक्तानी दिनसक्ने छन्।
नेपाल राष्ट्र बैंकले एकिकृत निर्देशनमा संसोधन गर्दै यस्तो व्यवस्था गरिदिएको छ।
विप्रेषण अनुमति पाएका कम्पनीले भुक्तानी प्रणाली सञ्चालकसँग सहकार्य गरी जारी गरेका कार्डमा समेत विप्रेषण भित्र्याउन सक्नेछने व्यवस्था गरिदिएको छ। यसरी आउने विप्रेषण सेवा विद्यमान व्यवस्था अनुसार हुनेछ।
त्यस्तै राष्ट्र बैंकले नेपाली / विदेशी नागरिक वा नेपालमा दर्ता भएका फर्म/कम्पनी / संस्था / शाखा कार्यालयले बिक्री, कमिशन, शुल्क, पारिश्रमिक लगायत विभिन्न प्रयोजनका रेमिट्यान्सबाट ल्याउन पाउने रकमको सीमा बढाइदिएको थियो।
फिर्ता गर्न नमिल्नेगरी आउने यस्तो रकमको सीमा दैनिक १० बाट १५ लाख बनाइएको छ।
