काठमाडौं- सूर्या लाइफ इन्स्योरेन्सले गत आर्थिक वर्षको चौथो त्रैमाससम्ममा ४ अर्ब ९२ करोड ९ लाख रुपैयाँ खुद बीमाशुल्क आर्जन गरेको छ। यो अघिल्लो आर्थिक वर्षको यहि अवधिको तुलनामा १८.६८ प्रतिशतले धेरै हो।

अघिल्लो आर्थिक वर्षको असार मसान्तसम्ममा कम्पनीले ४ अर्ब १४ करोड ६३ लाख रुपैयाँ खुद बीमाशुल्क आर्जन गरेको थियो।

यस अवधिमा कम्पनीको खुद नाफा भने ३३.७४ प्रतिशतले घटेर १३ करोड ४५ लाख रुपैयाँ सीमित भएको छ। अघिल्लो आर्थिक वर्षको असार मसान्तसम्ममा कम्पनीले २० करोड ४२ हजार रुपैयाँ खुद नाफा आर्जन गरेको थियो।

चुक्ता पूँजी २ अर्ब ५५ करोड रुपैयाँ रहेको कम्पनीको जगेडा कोषमा ६६ करोड ५६ लाख रुपैयाँ, बीमा कोषमा १४ अर्ब ९४ लाख रुपैयाँ र महावित्ती कोषमा १६ करोड ७ लाख रुपैयाँ सञ्चित छ।

यस अवधिमा कम्पनीको प्रतिसेयर आम्दानी ५.२८ रुपैयाँ , प्रतिसेयर नेटवर्थ १२३.३७ रुपैयाँ रहेको छ।