काठमाडौं- गत आर्थिक वर्षमा विकास बैंकहरूले ७ अर्ब २० करोड ५९ करोड रूपैयाँ नाफा आर्जन गरेका छन्। जुन अघिल्लो वर्षभन्दा ३१.३४ प्रतिशतले बढी हो। अघिल्लो वर्षको सोही अवधिमा बैंकहरूले ५ अर्ब ४८ करोड ६३ लाख २५ हजार रूपैयाँ खुद नाफा आर्जन गरेका थिए।  

नाफा धेरै कमााउनेमा मुक्तिनाथ विकास बैंक पहिलो भएको छ। बैंकले १ अर्ब ३७ करोड २५ हजार रूपैयाँ नाफा कमाएको छ। त्यस्तै, मुक्तिनाथलाई पछ्याउँदै गरिमा विकास बैंकले १ अर्ब ५ करोड ६६ लाख ५३ हजार रूपैयाँ नाफा आर्जन गरेको छ।

ज्योति विकास बैंकले गत वर्ष ७० करोड १५ लाख रूपैयाँ नाफा आर्जन गरेको छ। अघिल्लो वर्ष बैंकले ६६ करोड ३८ लाख रूपैयाँ नाफा कमाएको थियो। 

सांग्रीला डेभलपमेन्ट बैंकले ५९ करोड ५८ लाख रुपैयाँ नाफा गरको छ। गत वर्ष बैंकले ४१ करोड रूपैयाँ नाफा गरेको थियो।

साइन रेसुङा विकास बैंकले ६४ करोड ५२ लाख रूपैयाँ नाफा आर्जन गरेको छ। बैंकले अघिल्लो वर्ष ५० करोड ३७ लाख रूपैयाँ नाफा कमाएको थियो। 

ग्रिन डेभलेपमेन्ट बैंकले २४ करोड १८ लाख रूपैयाँ नाफा गरेको छ। बैंकले अघिल्लो वर्ष १२ करोड ९८ लाख रूपैयाँ नाफा गरेको थियो। 

मितेरी डेभलपमेन्ट बैंकले १५ करोड ३६ लाख रूपैयाँ नाफा कमाएको छ। अघिल्लो वर्ष बैंकले १४ करोड ५६ लाख रूपैयाँ नाफा आर्जन गरेको थियो। 

नारायणी डेभलपमेन्ट बैंकले १५ करोड ५७ लाख नाफा गरेको छ। अघिल्लो वर्ष बैंकले ११ करोड ९४ लाख नाफा गरेको थियो। कर्णाली विकास बैंकले ३७ करोड ९३ लाख नाफा गरेको छ। अघिल्लो वर्ष ५० करोड ८७ लाखा नाफा गरेको थियो। अहिले नाफा घटेको हो। एक्सेल डेभलेपमेन्ट बैंकको पनि नाफा घटेको छ। 

अघिल्लो वर्ष १३ करोड ३६ लाख नाफा गरेकोमा अघिले ११ करोड ४० लाख रूपैयाँ मात्रै नाफा गरेको हो। कर्पोरेट डेभलेपमेन्ट बैंकले अघिल्लो वर्ष ३३ करोड ८९ लाख रुपैयाँ नाफा कमाएकोमा गत वर्ष घटेर १० करोड ४८ लाख रूपैयाँमा खुम्चिएको छ। 

सिन्धु विकास बैंकको नाफा वृद्धिमा आक्रामक बनेको छ। विकास बैंकहरूमध्ये सिन्धुले सबैभन्दा धेरै ११३.५२ प्रतिशत नाफा वृद्धि भएको छ। सिन्धुले गत वर्ष ६८ करोड १० लाख रूपैयाँ नाफा गरेको छ। अघिल्लो वर्ष ३१ करोड ८९ लाख रूपैयाँ नाफा कमाएको थियो। 

महालक्ष्मी बिकास बैंकले ९५ करोड १९ लाख नाफा गरेको छ। अघिल्लो वर्ष बैंकको नाफा ६६ करोड रुपैयाँ रहेको थियो। कामना विकास बैंकले ६३ करोड ९ लाख रुपैयाँ नाफा कमाएको छ। अघिल्लो वर्ष बैंकले ५९ करोड ८१ लाख रूपैयाँ नाफा कमाएको थियो।

यता सप्तकोशी डेभलपमेन्ट बैंकले १६ करोड नाफा कमाएको छ। अघिल्लो वर्ष १० करोड ५५ लाख रूपैयाँ नाफा कमाएको थियो।

लुम्बिनी विकास बैंकले ६७ करोड ५६ लाख रूपैयाँ नाफा कमाएको छ। अघिल्लो वर्ष ४३ करोड ३९ लाख रूपैयाँ नाफा कमाएको थियो।