काठमाडौं- एसियन लाइफ इन्स्योरेन्सले सेयरधनीले पाउने लाभांशगत वर्षभन्दा घटाएर प्रस्ताव गरेको छ।
इन्स्योरेन्सले आर्थिक वर्ष २०७७/७८ को नाफाबाट सेयरधनीलाई १५.२६ प्रतिशत लाभांश दिने प्रस्ताव गरेको हो। यो लाभांश अघिल्लो वर्षभन्दा १२ प्रतिशत कम हो। इन्स्योरेन्सले आव २०७६/७७ को नाफाबाट २७ प्रतिशत लाभांश दिएको थियो। जसमध्ये २५ प्रतिशत बोनस सेयर वितरण भएको थियो।
इन्स्योरेन्सले कायम चुक्तापुँजीको १४.५० प्रतिशत बोनस सेयर प्रस्ताव गरेको छ। बाँकी ०.७३ प्रतिशत नगद लाभांश हो। हाल इन्स्योरेन्सको चुक्तापुँजी २ अर्ब ५३ करोड ९८ लाख रुपैयाँ छ। प्रस्तावित बोनस सेयर वितरणपछि इन्स्योरेन्सको चुक्तापुँजी २ अर्ब ९० करोड ८१ लाख रुपैयाँ पुग्नेछ।
