काठमाडौं-सिभिल बैंकले हिमालयन बैंकसँग एक्विजेशनमा जाने सम्झौता गरेको सिभिल बैंकले नाफामा छलाङ मारेको छ। बैंकले पहिलो पटक १ अर्ब भन्दा बढी नाफा कमाएको छ।
सिभिल बैंकले आर्थिक २०७८/७९ मा १ अर्ब ३८ करोड रुपैयाँ नाफा आर्जन गरेको हो। अघिल्लो वर्ष बैंकले नाफा ५२ करोड ७७ लाख रुपैयाँ नाफा कमाएको थियो। बैंकले अघिल्लो वर्ष भन्दा ८५ कराड २३ लाख बढी नाफा आर्जन गरेको छ। जुन
बैंकको वितरणयोग्य नाफानै १ अर्ब गरेको छ। जस अनुसार बैंकको लाभांश ११ प्रतिशत रहेको छ। सिभिल बैंकको ९ अर्ब ७ करोड रुपैयाँ चुक्ता पुँजी पुगेको छ। बैंकले ब्याज आम्दानीबाट ३ अर्ब ६४ करोड कमाएको छ। अघिल्लो वर्ष ब्याज आम्दानीबाट अघिल्लो वर्ष २ अर्ब २१ करोड थियो । बैंकको पुँजीकोष अनुपात १६.०५ प्रतिशत छ ।
यस्तै कर्जा निक्षेप अनुपात ८५.४६ प्रतिशत छ । बेसरेट १०.४६ प्रतिशत छ । खराब कर्जा अनुपात १.०८ प्रतिशत छ । बैंकको स्प्रेडदर ४.२९ प्रतिशत छ । जुन अघिल्लो वर्ष २.५२ प्रतिशत थियो । बैंकको प्रतिसेयर आम्दानी १५.२६ रुपैयाँ छ।
असार मसान्तसम्म बैंकको निक्षेप ९४ अर्ब ४९ करोड तथा कर्जा ८३ अर्ब ४४ करोड छ। अघिल्लो वर्ष असार मसान्तमा बैंकमा निक्षेप ८८ अर्ब तथा कर्जा ७९ करोड थियो।
