काठमाडौं- आर्थिक वर्ष २०७९/८० सुरु भएको पहिलो साता वाणिज्य बैंकहरूको निक्षेप ६४ अर्बले घटेको छ। 

नेपाल बैंकर्स संघको तथ्यांक अनुसार साउन १ देखि ६ गतेसम्म बैंकहरूबाट ६४ अर्ब निक्षेप घटेको छ। तथ्यांक अनुसार असार ३२ गतेसम्म ४५ खर्ब ४१ अर्ब निक्षेप थियो जुन साउन ६ गतेसम्म आइपुग्दा ४४ खर्ब ७८ अर्बमा सीमित भउको छ। 

यो बीचमा विदेशी मुद्राको निक्षेप पनि २ अर्बले घटेको छ। 

यो बीचमा ऋण प्रवाह पनि ओरालो लागेको छ। बैंकर्स संघका अनुसार साउन पहिलो साता १० अर्बले ऋण प्रवाह घटेको छ। असार ३२ गतेसम्म ४१ खर्ब ७५ अर्ब रहेको ऋण घटेर ४१ अर्ब ६५ अर्बमा सीमित भएको छ। यो बीचमा विदेशी मुद्रामा हुने ऋण प्रवाह पनि २ अर्ब रुपैयाँले घटेको छ।